Зохиогч: Н.Булганцэцэг

Редактор: Н.Мөнхцэцэг

Хэмжээ: 210х270

Хэвлэсэн он: 2022

ЕРӨНХИЙ БОЛОВСРОЛЫН СУРГУУЛИЙН СУРАГЧИД, ИХ ДЭЭД СУРГУУЛЬД ЭЛСЭГЧИД, АНГЛИ ХЭЛНИЙ БАГШ НАР, ЭЛСЭЛТИЙН ЕРӨНХИЙ ШАЛГАЛТАД БЭЛТГЭГЧИД, ГАДААДАД СУРАХ ХҮСЭЛТЭЙ СУРАЛЦАГЧИД, IELTS, TOEFL-ИЙН ШАЛГАЛТАД БЭЛТГЭГЧИД, АНГЛИ ХЭЛИЙГ БИЕ ДААН СУРАХЫГ ХҮССЭН ХЭН БҮХЭНД ЗОРИУЛАВ.

“Англи хэл” тулгуур мэдлэг ном нь англи хэлийг гүнзгийрүүлэн судлах хүсэлтэй ерөнхий боловсролын сургуулийн сурагчид, их дээд сургуулийн оюутнууд, бүх насны хүмүүст зориулан боловсруулсан болно. Мөн англи хэлний багш нар элсэлтийн ерөнхий шалгалтад сурагчдыг бэлтгэхэд сургалтын хэрэглэгдэхүүн болгон ашиглаж болно.

Энэ сурах бичгийг судалснаар та бүхэн англи хэлний хэл зүй, үг зүй, өгүүлбэр зүй, үгийн сангийн талаар суурь мэдлэгтэй болж, цаашид бие даан хэлний чадвараа хөгжүүлэх боломжтой болно. Бид хэлний хэрэглээг жишээ баримтад тулгуурлан энгийн үг, хэллэгээр тайлбарласан учир уг сурах бичиг нь англи хэлний системтэй мэдлэг эзэмшиж, бодит амьдралд хэрэглэж сурахад та бүхнийг чиглүүлнэ.

Энэ сурах бичиг дараах таван бүлгээс бүтэх бөгөөд бүлэг тус бүр хэлний үндсэн ойлголтуудыг хамарсан болно.

1. “Англи хэлний үндсэн хэл зүйн дүрэм” бүлэгт англи хэлний ялгац гишүүн, үйл үгийн цагууд, угтвар, болзолт өгүүлбэр, үйлт нэр, эс тухайлах хэлбэр, нөхцөлт үйл үг, захирах хүсэх төлөв, дам яриа гэх мэт чимхлүүр дүрмийг энгийн үгээр тайлбарлаж, жишээ баримтыг оруулав.
2. “Англи хэлний үг зүй” бүлэг нь үг зүйн үндсэн асуудал болох бүтээвэр, бүтээврийн төрлүүд, үг бүтэх үндсэн болон туслах аргууд, нийлмэл үгийн утга, бүтцийн талаар ойлголт өгнө.
3. “Англи хэлний өгүүлбэр зүй” бүлэг нь өгүүлбэрийн гол болон дэд гишүүд, зэрэгцүүлэх болон захируулах холбоос, гол болон гишүүн өгүүлбэр, гишүүн өгүүлбэрийн төрлүүд, өгүүлбэрийн бүтцийн талаар ойлголт өгнө. Мөн англи эхийг өгүүлбэрийн бүтцийн талаас задлан шинжилж, холбох хэрэглүүрийг монгол хэлэнд зөв орчуулж сурахад чиглүүлнэ.
4. “Англи хэлний үгийн сан” бүлэг нь үгийн утга, хэрэглээ, хам сэдэв, холбоо үг, хэлц үйл үг, ижил дуудлагатай утга өөр үгс, бичгийн ба ярианы хэлний үгс, Америк, Британийн англи хэлний үгс, шинэ үг тогтоох аргын талаар ойлголт өгнө.
5. “Англи хэлний олон улсын шалгалтууд” бүлэгт гадаадад сурах хүсэлтэй суралцагчдад TOEFL, IELTS-ийн шалгалтын талаар ерөнхий мэдээлэл өгч, шалгалтын төрөл, бүтэц, даалгаврыг жишээгээр тайлбарлав.

Англи хэлний мэдлэг, чадвараа дээшлүүлэх хүсэлтэй хэн бүхэнд энэ ном хувь нэмэр болно гэдэгт бид итгэж байна.

АГУУЛГА

Англи хэлний хэл зүй

Үг зүй

Өгүүлбэр зүй

IELTS, TOEFL-д бэлтгэх