Зохиогч: Ричард Киплинг

ISBN: 9789992947234

Хавтас: цаасан

Хэл: Монгол

Хуудас: 240

Английн зохиолч Р.Киплинг /1865 – 1936/ Энэтхэгт төржээ. Таван нас хүртлээ тэнд өсөж торнисон зохиолч маань хожим нас биед хүрсэн хойноо ч энэ оронд ажиллаж, амьдран, дорно дахины зан үйл, ахуй амьдралтай танилцаж байлаа. 1904 онд Англи эх орондоо бүр мөсөн буцаж очоод Сассексийн гүнлэгт хуучин шилтгээн худалдаж авсан нь зохиолчийн хувьд маш том үйл явдал болжээ. Хожим дэлхий даяар алдраа дуусгасан их зохиолч маань өөртөө Англи орныг шинээр нээж, жирийн англи хүний тухай, төрөлх газар шорооныхоо тухай өгүүлэх нөр их эрмэлзлэлд автав. Эрт эдүгээг нэгтгэн зангидаж, Пак буюу Толгодын оршин суугчийн яриагаар өнөө цагийн бяцхан англичуудад эрт урьдын түүхийг дэлгэн тавьж, “Хуучин Английн үлгэрүүд”-ээ бичсэн аж. Энэ зохиолд Юна, Дэн гэгч ах дүү хоёр Толгодын оршин суугчид буюу уул усны эзэдтэй уулзан, эрт урьдын домог түүх, сонин хачин явдлын тухай сонсдог.