Зохиогч: Ф.Бөрнэт

ISBN: 9789997863027

Хавтас: Зөөлөн

Хэл: Монгол

Хуудас: 220

Бүх цаг үеийн хүүхдийн зохиолчдын шилдгүүдийн нэг Ф.Бөрнэт XIX зууны төгсгөл үед Америк оронд төржээ. Түүний олон зохиол хүүхдийн сонгодог зохиолыг тэргүүлдэг. Сайн сайхан үйл хэрэг яагаад үнэ цэнэтэй байдаг, эрхэм дээд зан суртхууны давуу тал нь юунд байдгыг тэрбээр зохиол бүтээллүүддээ тодорхой ойлгомжтой дүрслэн үзүүлж чаддаг байна. Тиймээс Ф.Бөрнэтийн зохиол бүтээлүүд дэлхийн 70 гаруй орны хэлээр орчуулагдан түгэж, хүүхэд багачуудынхаа зайлшгүй унших номын нэг болгон сургалтынхаа хөтөлбөрт оруулдаг ажээ. Энд танилцуулж буй “Сайхан сэтгэлт эзэнтэн” зохиол нь Ф.Бөрнэтийн шилдэг туурвилуудын нэг билээ. Эцгээсээ өнчирсөн, хүнд хэцүү амьдралтай 6 настай балчир хүү нэг л өдөр гэнэтхэн маш их баян, аварга том шилтгээнтэй ч харамч, хахир ярдаг зантай, ялангуяа ядуу, сул дорой хүмүүст харгис хэрцгий ханддаг эрхэмсэг дээд язгууртан Гүнтний өв залгамжлагч болон тодорно. Гэнэн хонгор, зөөлөн сэтгэлтэй гудамны ядууст ээлтэй өрөвч балчир хүү баян Гүнг мөн өөр шигээ өгөөмөр, сайхан зантай хүн хэмээн баттай итгэжээ. Ингээд бодит байдал, хүүгийн төсөөлөл хоёр зөрчилдөнө. Гэвч хүү Гүнгийн талаарх өөрийн өөдрөг итгэлээ алдсангүй. Өнчин бяцхан хүү харгис хатуу гүнгийн зүрх сэтгэлийг уяруулж, олон түмний төлөө асар олон сайн үйл бүтээлгэж чаддаг. Энэ бүхэн ердөө л бяцхан хүүгийн “Миний өвөө хамгийн сайхан хүн” гэсэн итгэл үнэмшил байсан юм.