А.Белыйн шүтэн бишрэгчид “Петербүрг”-ийг уншаад оросын модернизмын ёс зүйн эрхийн бичиг лугаа адил хүлээн авсан гэдэг. В.Набоков уг романыг Ж.Жойсын “Үлисс”, Ф.Кафкагийн “Шүүх ажиллагаа”-ны дараа гуравт орохуйц ХХ зууны дэлхийн утга зохиолын эрхэм дээж бүтээл хэмээн үнэлж байв. Оросын утга зохиолд А.Белыйн хийсэн шинэчлэлтэй маргах хүн үгүй билээ. А.Белыйн энэхүү романтай нэгэн жилийг хамтдаа үдэхдээ ямартай ч эх хэлнээ орчуулах нь миний үүрэг, харин уншиж ойлгох нь эрхэм уншигчдын тархины хэмжээнээс хамаарах биз ээ хэмээн бодож явснаа онцлон хэлмээр санагдлаа. Эрхэм Та Петербүргт тавтай морил!